Siz kafe va do‘konlardan xarid qilib, sevib iste’mol qiladigan Dunkin “ponchik”larni uy sharoitida ham tayyorlash mumkin.
Buning uchun quyidagi mahsulotlardan kerak bo‘ladi.
Xamiriga:
- Un — 640 gramm
- Sariyog‘— 90 gramm
- Shakar — 60 gramm
- Xamirturush — 14 gramm
- Vanilin — 10 gramm
- Tuz — 1 gramm
- O‘simlik yog‘i — 200 gramm
- Shokolad — 100 gramm
- Sariyog‘— 15 gramm
- Yuqorida xamir qilish uchun ta’kidlangan mahsulotlardan xamir qoring.
- Xamir ustini yopib, 2 soat iliq haroratli xonada tindiring.
- Tingan xamirni 1 sm qalinlikda yoying.
- Yoyilgan xamirni maxsus shaklli kesgich bilan kesib chiqing. Agar sizda unday qolip bo‘lmasa, stakandan foydalanib, o‘rtasini “baklashka” qopqog‘i yordamida ajratib “ponchik”ka kerakli shakl bering.
- Tayyor shakllarni patnisga qo‘yib, ustini yoping va 20 daqiqa iliq joyda tinishini kuting.
- “Ponchik”larni qizigan o‘simlik yog‘iga solib, ikki tomoni ham tillarang bo‘lgunicha qovuring.
- Sariyog‘ni eritib issiq holida shokoladga qo‘shing va yaxshilab aralashtiring.
- Sovigan “ponchik”larni glazurga botiring.
- Glazur ustini fantaziyangizga qarab bezatishingiz mumkin.
Ma’lumot uchun:
Dunkin ismli amerikalik nomiga ochilgan kofeinli “ponchik”lar magazinlar tarmog‘i bo‘lib, shunday teshik kulchalarni Donuts, ya’ni “ponchik” deyishgan. 2019-yil yanvaridan kompaniya rebrending qilgan va nomini Dunkin’ga o‘zgartirgan, chunki “ponchik”lardan ko‘ra kofe savdosi ko‘proq mablag‘ olib kelgan.
Izoh (0)