Ukrainada koronavirus tarqalishi munosabati bilan mamlakat ichidagi avia, yo‘lovchi poyezdlari, avtobuslar qatnovi to‘xtatiladi, deb xabar berdi “RBK”.
18-martdan kuchga kiradigan cheklov shaharlaro va viloyatlararo tashuvlarga daxldor. Bundan tashqari, 17-martdan Ukraina shaharlaridagi metropoliten ham ishini to‘xtatadi.
Shahar transportining boshqa turlari o‘z faoliyatini davom ettiradi, lekin cheklovlar bilan. Shunday qilib, taksilar, trolleybuslar, avtobuslar va tramvaylarda tashish salondagi odamlar soni 10 nafardan oshmasagina amalga oshirilishi mumkin.
Bu choralar ukrainaliklarning shaxsiy avtomobilida harakatlanishiga nisbatan qo‘llanilmaydi.
Bundan tashqari, 17-martdan Ukrainada 10 dan ortiq odam ishtirok etadigan barcha ommaviy tadbirlarni o‘tkazish taqiqlanadi. Faqat davlat organlari va mahalliy o‘zini o‘zi boshqarish organlari faoliyatini ta’minlash uchun zarur bo‘lgan chora-tadbirlarga ruxsat beriladi.
Bundan tashqari, mamlakatda restoranlar, kafelar, savdo-ko‘ngilochar markazlar va madaniyat muassasalari vaqtincha to‘xtatildi. Xodimlar shaxsiy himoya vositalari bilan ta’minlangan bo‘lsa, umumiy ovqatlanish muassasalari yetkazib berish xizmatlarini taqdim etishi mumkin.
Avvalroq Ukrainaning Jitomir viloyatida 12-mart kuni koronavirus infeksiyasi bilan kasalxonaga yotqizilgan 71 yoshli ayol vafot etgani haqida xabar berilgan edi. Shundan so‘ng Kiyevda 12-martdan boshlab ommaviy tadbirlar taqiqlandi, maktablar yopilishi ma’lum bo‘ldi.
Mavzuga doir:
- Rossiyada koronavirusning to‘rtinchi testi ishlab chiqilayotgani ma’lum qilindi
- “Dunyoning eng boy kishilari bu kasallikdan qutula olmadimi, unda biz ham tayyor turishimiz kerak”. Kanadadagi o‘zbekistonlik koronavirus haqida
- Toshkentdagi avtobuslarda dezinfeksiya ishlari amalga oshirilmoqda
- Video: Sog‘liqni saqlash vaziri Alisher Shodmonov karantinga olingan o‘zbekistonliklarning umumiy sonini ma’lum qildi
Izoh (0)