So‘nggi bir sutka davomida Italiyada COVID-19 koronavirusi keltirib chiqargan pnevmoniya kasalligi oqibatida 349 nafar odamning o‘limi qayd etilgan. Bu haqda Fuqaro muhofazasi departamenti rahbari Anjelo Borelli ma’lum qilgan, deb yozmoqda ANSA.
Mamlakatda koronavirus tarqalishi boshlanganidan beri kasallikdan jami 2158 nafar odam vafot etgan. Borelli oxirgi bir sutkada 414 nafar odam koronavirusdan tuzalganini ham bildirgan. Sog‘aygan bemorlarning umumiy soni 2,7 mingni tashkil etmoqda.
Borelli ayni kunlarda 23 073 nafar odam Italiyada koronavirus bilan kasallanganini ham aytgan.
16-mart holatiga Jahon sog‘liqni saqlash tashkiloti butun dunyoda bir sutka ichida 10 982 nafar odamda koronavirus kuzatilganini xabar qilgan. Xitoyning o‘zida 27 ta yangi holat kuzatilgan.JSST ma’lumot bo‘yicha Xitoydan tashqarida 72 649 nafar kasallangan odam bor, vafot etganlar soni 2531 nafarni tashkil qilmoqda.
Izoh (0)