Ma’lumot uchun, 16-mart holatiga ko‘ra O‘zbekistonda koronavirusga chalinganlar soni 8 kishini tashkil etmoqda. 5,6 mingdan ortiq fuqaro esa karantinga olingan.
Qozog‘istonda ikki yoshli bolada koronavirus aniqlandi
Qozog‘istonda 2018-yilda tug‘ilgan bolakayda koronavirus aniqlandi. Bu haqda mamlakat Sog‘liqni saqlash vazirligi rasmiy vakili Dias Ahmetsharifga tayanib, “RIA Novosti” xabar berdi. Qozog‘istonda koronavirus bilan kasallanganlar soni 13 kishiga yetgan.
Aniqlanishicha, kasallikni yuqtirib olgan qizaloq Olmaotaga Berlindan Minsk orqali uchib kelgan. Bolakay shahar yuqumli kasalliklar shifoxonasiga yotqizilgan.
Qozog‘istonda koronavirus tarqalishi munosabati bilan 16-martdan 15-aprelga qadar favqulodda holat rejimi joriy qilindi. Bu davrda qozog‘istonliklar mamlakatni tark eta olmaydi (xorijga davolanish uchun ketayotganlardan tashqari).
Mamlakatda ommaviy tadbirlar bekor qilindi, maktab o‘quvchilari ta’tilga ertaroq chiqdi, davlat organlariga xorijga xizmat safariga chiqish taqiqlandi. Fuqarolarga qo‘l berib ko‘rishmaslik tavsiya qilindi.
Mavzuga doir:
Izoh
Kirish
Asosiy yangiliklar
