Braziliyaning San-Paulu shtatidagi Mongagua shahrida joylashgan yarim ochiq turdagi axloq tuzatish koloniyasidan 16-mart, dushanba kuni, kechqurun 400 ga yaqin mahbus qochib ketdi, deb xabar berdi “RIA Novosti”.
400 ga yaqin mahbus qamoqxona xodimlarini garovga olib, so‘ng qochgan. Qamoqxonaning ayrim xodimlari hali ham garovda ekani, politsiya ularni ozod qilish uchun muzokara olib borayotgani aytilmoqda.
Qochoq mahbuslarni ushlash uchun qidiruv harakatlari boshlagan. Qayd etilishicha, Braziliya qonunchiligi bo‘yicha yarim ochiq turdagi axloq tuzatish koloniyalarida qurolli nazorat mavjud emas.
Eslatib o‘tamiz, bu Braziliya qamoqxonalari bilan bog‘liq dastlabki muammoli holat emas — 2019-yilning iyulida mamlakatdagi boshqa bir qamoqxonadagi yuz bergan mojaro oqibatida 52 mahbus halok bo‘lgan edi.
Izoh (0)