Turkiya tomonidan migratsion bosimning siyosiy maqsadlarda foydalanilishi — yo‘l qo‘yib bo‘lmaydigan harakat. Bu haqda ichki ishlar bo‘yicha Yevropa Ittifoqi bayonotida aytiladi, deb yozadi “RBK”.
Bayonotda ko‘rsatilishicha, Yevroittifoq Turkiyaning 3,5 milliondan ortiq qochoqni joylashtirish bo‘yicha harakatlarini olqishlaydi, biroq Anqara tomonidan 2016-yilda imzolangan muhojirlar uchun chegarani yopish haqidagi bitimning bajarilishini kutadi.
Turkiya Yevropa Ittifoqi bilan chegaralarini muhojirlar uchun fevral oyi oxirida ochgan edi.
O‘shanda Turkiya prezidenti Rajab Toyyib Erdo‘g‘on “mamlakat shuncha qochoqni qabul qilishga majbur emasligi”ni aytgan edi.
Turk va Suriya harbiylari o‘rtasidagi ziddiyatning kuchayishi fonida, Anqara 2-mart, dushanba kuni, Yevropa davlatlarini yaqinda ularga millionlab suriyalik qochoq borishi mumkinligidan ogohlantirdi.
Suriyadagi urushayotgan tomonlarni yarashtirish bo‘yicha Rossiya markazi Turkiyaning 100 mingdan ortiq qochoqni Gretsiyaga haydashga urinayotganligini ta’kidladi.
Natijada Gretsiya va Turkiya chegarasiga Yevropa Ittifoqi vakillari tashrif buyurdi. Shundan so‘ng Bryussel migratsiya inqiroziga qarshi kurashish uchun Afinaga 700 million dollar ajratishga va’da berdi.
Avvalroq Turkiya Suriyadan kelayotgan qochoqlar oqimini to‘xtatib qolishga qodir emasligini tan olgan edi.
Ma’lumot uchun, Suriyaning Idlib viloyatidagi Serakaba shahrida Suriya hukumati qo‘shinlari hamda Turkiya qo‘llab-quvvatlayotgan jangarilar o‘rtasida to‘qnashuvlar bo‘lmoqda. Shahar bir necha marta goh u, goho bu tomon ixtiyoriga o‘tgan.Mavzuga doir:
- Turkiya Suriya qo‘shinlarining Aleppodagi aerodromiga zarba berdi
- Turkiya Suriya harbiy havo kuchlarining ikkita samolyotini urib tushirgani xabar qilindi
- Turkiya harbiylari 56 nafar suriyalik askar yo‘q qilinganini ma’lum qildi
- OAV: Turkiya harbiylari Idlibda Suriya otryadini yo‘q qildi
- Idlibga berilgan aviazarbalar oqibatida halok bo‘lgan turk harbiylarining soni 33 nafarga yetdi
Izoh (0)