Туркия томонидан миграцион босимнинг сиёсий мақсадларда фойдаланилиши — йўл қўйиб бўлмайдиган ҳаракат. Бу ҳақда ички ишлар бўйича Европа Иттифоқи баёнотида айтилади, деб ёзади «РБК».
Баёнотда кўрсатилишича, Евроиттифоқ Туркиянинг 3,5 миллиондан ортиқ қочоқни жойлаштириш бўйича ҳаракатларини олқишлайди, бироқ Анқара томонидан 2016 йилда имзоланган муҳожирлар учун чегарани ёпиш ҳақидаги битимнинг бажарилишини кутади.
Туркия Европа Иттифоқи билан чегараларини муҳожирлар учун февраль ойи охирида очган эди.
Ўшанда Туркия президенти Ражаб Тоййиб Эрдўғон «мамлакат шунча қочоқни қабул қилишга мажбур эмаслиги»ни айтган эди.
Турк ва Сурия ҳарбийлари ўртасидаги зиддиятнинг кучайиши фонида, Анқара 2 март, душанба куни, Европа давлатларини яқинда уларга миллионлаб суриялик қочоқ бориши мумкинлигидан огоҳлантирди.
Суриядаги урушаётган томонларни яраштириш бўйича Россия маркази Туркиянинг 100 мингдан ортиқ қочоқни Грецияга ҳайдашга уринаётганлигини таъкидлади.
Натижада Греция ва Туркия чегарасига Европа Иттифоқи вакиллари ташриф буюрди. Шундан сўнг Брюссель миграция инқирозига қарши курашиш учун Афинага 700 миллион доллар ажратишга ваъда берди.
Аввалроқ Туркия Суриядан келаётган қочоқлар оқимини тўхтатиб қолишга қодир эмаслигини тан олган эди.
Мавзуга доир: Фоторепортаж: Туркия орқали Европага йўл олган қочоқлар
Мавзуга доир:
- Туркия Сурия қўшинларининг Алепподаги аэродромига зарба берди
- Туркия Сурия ҳарбий ҳаво кучларининг иккита самолётини уриб туширгани хабар қилинди
- Туркия ҳарбийлари 56 нафар суриялик аскар йўқ қилинганини маълум қилди
- ОАВ: Туркия ҳарбийлари Идлибда Сурия отрядини йўқ қилди
- Идлибга берилган авиазарбалар оқибатида ҳалок бўлган турк ҳарбийларининг сони 33 нафарга етди
Изоҳ (0)