Turkiya o‘zining migratsiya siyosatiga sodiq qoladi, biroq mamlakat Suriyadan kelayotgan qochoqlarni qabul qiladigan ahvolda emas. Bu haqda Turkiya Adolat va taraqqiyot partiyasi matbuot kotibi Omer Chelikka tayanib, “RIA Novosti” xabar berdi.
Avvalroq Hatay viloyati gubernatori Rahmi Dogan Suriya harbiy havo kuchlari tomonidan Idlibga bergan aviazarbalari oqibatida 33 nafar turk harbiysi halok bo‘lganini ma’lum qilgandi. Harbiylarning o‘limi bilan bog‘liq voqeadan keyin Turkiya endilikda suriyalik muhojirlarning Yevropaga o‘tishini to‘xtatib turmaslikka qaror qildi.
“Turkiya migratsiya siyosati o‘zgarishsiz qoladi, biroq mamlakat suriyalik qochoqlar oqimini ushlab turishga qodir emas”, — deyiladi xabarda.
Idlibda amalga oshirilgan hujumga javoban Turkiya armiyasi viloyatdagi Suriya hukumat qo‘shinlariga tegishli otryadni yo‘q qildi. Shuningdek, Turkiya hukumati Suriyada halok bo‘lgan harbiy xizmatchilar haqida yolg‘on ma’lumotlar tarqalib ketmasligi uchun mamlakatda ijtimoiy tarmoqlarni bloklab qo‘ydi.
Izoh (0)