Artel kompaniyasi barchangizni O‘zbekiston Respublikasi Ko‘zi ojizlar jamiyatiga yordam berishga chaqiradi.
Har bir inson tug‘ilganidan beqiyos tuhfaga ega. Ushbu matnni o‘qiyotgan har bir kishi rang-barang dunyo jilosidan rohatlana oladi. Tabiat go‘zalligidan, erta tongda yoki oqshomda oynalarda oftob nurlarining o‘yinidan, bizni qamrab olgan minglab turli tuman go‘zal va so‘lim narsalarga nazar solib ko‘zlari quvnaydi. Qisqa qilib aytganda ushbu matnni o‘qiyotgan har biri kishi ko‘rish kabi ulug‘ ne’matga ega. Ammo, aytish lozimki, bu baxt hammaga ham nasib etmagan, ayrim yurtdoshlarimiz to‘liq yoki qisman zulmatda yashaydi.
Bugungi kunda O‘zbekistonda 45 mingdan ortiq ro‘yxatga olingan ko‘zlari butunlay yoki qisman ojiz fuqarolar istiqomat qilib kelmoqda. Ularning hayoti siz ko‘nikkan dunyodan butunlay farq qiladi. Siz kun davomida hatto o‘ylamay bajaradigan vazifalar ular uchun katta qiyinchilik tug‘dirishi yoki umuman bajarib bo‘lmaydigan vazifaga aylanishi mumkin. Buning sababi bizning hayot tarzimiz, atrof-muhitimiz ko‘zi ojizlar uchun butunlay moslashtirilmagan. Afsuski, bu muammo haqida biz hech o‘ylanmaymiz, bunga umuman e’tibor qaratmaymiz.
Ko‘zi ojiz bolalarga ilm berish uchun maxsus kitoblar, asbob uskuna va yuqori kvalifikatsiyaga ega mutaxassislar zarur. Voyaga yetgan vatandoshlarimizni yangi sharoitga ko‘nikib, ijtimoiy moslashishlari va yangidan hayot boshlashlari uchun maxsus qurilmalar bo‘lishi lozim. Bundan tashqari ko‘zi ojiz hamyurtlarimiz uchun ish joylari yaratish, mavjud ish joylarida esa qulay mehnat sharoitlarini tashkil qilish dolzarb masalalardan biridir. Artel kompaniyasi vakillari Ko‘zi ojizlar jamiyati markaziga tashrif buyurdi va markaz faoliyati bilan tanishib chiqdi.
Tashrif davomida markaz xodimlariga ish joylarida qulaylik yaratish maqsadida Artel konditsionerlari taqdim etildi.
Ushbu maqolani o‘qiyotgan har bir inson bu vaziyatni o‘zgartirishga o‘z hissasini qo‘shishi mumkin. Agarda barchamiz birgalikda harakat qilsak, bugunda ko‘zi ojizlar bilan bog‘liq barcha muammolar bartaraf etilishi mumkin. Artel kompaniyasi ushbu vaziyatgi e’tiboringizni qaratishga chaqiradi.
Mehribonlik, rahmdillik — xalqimizga xos xislatlar, yordam qo‘lini cho‘zishdan bosh tortmang!
Reklama huquqi asosida.
Izoh (0)