Markaziy Osiyoning qurilish va developerlik sohasidagi yetakchi vakillari –O‘zbekistonning Murad Buildings kompaniyasi hamda Qozog‘istonning BI Group xoldingi O‘zbekistonda qo‘shma loyihalarni amalga oshirish maqsadida NRG brendi ostida birlashdilar. Yangi kompaniyaning ofisi ilk qo‘shma loyiha – turar joy majmuasining bunyod etilishi rejalashtirilayotgan Toshkent shahrida joylashgan.
BI Group O‘zbekiston bozoriga sarmoyalar va developerlikdagi eng so‘nggi innovatsion yondashuvlar bilan kirib kelmoqda. Bu davlatimizda olib borilayotgan investitsiya siyosatini o‘zida aks ettirib, mamlakatimiz rahbariyati tomonidan kelgusi besh yilga O‘zbekiston uchun ustuvor yo‘nalish sifatida belgilangan raqamli iqtisodiyotning rivojlanishini ifodalamoqda.
Bundan tashqari, qurilish sohasidagi yetakchi kompaniyalarning hamkorligi, nafaqat raqamli texnologiyalar yordamida qo‘shma loyihalarni amalga oshirish imkonini beradi, balki bunday hamkorlik mustahkam professional aloqalar o‘rnatilishiga sharoit yaratib, ikki mamlakatning qurilish va arxitektura yo‘nalishidagi rivojlanish drayveri bo‘lib xizmat qiladi.
Qo‘shma loyihaning rejalari hamda rivojlanish istiqboli haqida Murad Buildings va BI Group rahbariyati qanday fikrda?
Murod Nazarov Murad Buildings kompaniyasining asoschisi: “Biz bunyodkorlik ishlarini yaxshi ko‘ramiz. Biz qurgan inshootlar yuqori talabga javob beradi va mahsulotimizga doimo talab bor. Bozor katta miqdordagi ko‘chmas mulkni o‘zlashtirishga tayyor ekanligiga qaramay, biz qurilishni kengaytirishga jur’at etmagandik. Chunki katta miqdordagi qurilish ishlarini olib borish uchun juda puxta o‘ylangan, sifat standartiga amal qiluvchi aniq tizimga ega bo‘lmog‘i lozim. Bunday yo‘ldan kompaniyamizga zarar yetkazmagan holda o‘tishimiz uchun bizga kerakli bilim va ko‘nikmalari mavjud, ush bu qiyin boshqichni o‘zi boshdan kechirgan, keng ko‘lamli qurilishida zarur bilim va tajribaga ega bo‘lgan, muvaffaqiyatli va xalqaro nufuzga ega qurilish kompaniyasi yordam bera olishini aniq anglab yetdik.
Bu borada o‘tgan yilgi mening Qozog‘iston yetakchi developerlik kompaniyasining boshlig‘i Aydin Raximbayev bilan uchrashuvim o‘ziga xos bir belgi bo‘ldi. Men shu kabi hayotdagi barcha ushrashuvclar tasodif emasligiga aminman – bu bizning savollarimiz, intilayotgan orzu-niyatlarimizga javobdir. Aydin bilan biz sport, xususan Ironman 70.3 (Butun jahon triatlon korporatsiyasi tomonidan o‘tkaziladigan uzoq masofa bo‘yicha triatlon musobaqalari seriyasi) orqali tanishdik. Tanishish jarayonida biz uzoq suhbatlashdik, suhbat davomida biz qarashlarimiz, intilishlarimiz va orzularimizning o‘xshashligidan hayratga tushdik va hattoki bizning qurilish kompaniyalarimizning korporativ rangi va shiori ham bir xil: “Baxt quramiz”. Shuning uchun ham biz uchrashuvimizni taqdir in’omi, deb qabul qildik.
Bugungi kunda BI Group bu — Qozog‘iston ko‘chmas mulk bozorida yetakchi o‘rinni egallagan obro‘li professional va ishonchli hamkor maqomiga ega bo‘lgan ko‘p tarmoqli xoldingdir.
Har gal men o‘zim yoki jamoam bilan birga Nur-Sulton va Olmaota shaharlariga tashrif buyurar ekanmiz, IT texnologiyalariga asoslangan, sifatli va keng miqyosda qurish imkoniyatini beruvchi BI Group boshqaruv tizimining qanchalik yo‘lga qo‘yilganidan ajablanamiz. Ushbu Qozog‘iston kompaniyasining har bir loyihasi korporativ madaniyatga asoslangan holda amalga oshirilib, mayda detallarigacha puxta o‘ylab chiqilgan. Kompaniya xodimlarining soni 6 mingdan ortiq, ular yuqori malakaga ega, muvaffaqiyat sari intiluvchan va kompaniya haqidagi har qanday savolga javob berishga tayyor insonlardir.
Men shuningdek, 340 nafar mutaxassis barcha masalalarni raqamlashtirish bilan shug‘ullanadigan IT bo‘limining mavjudligi hamda barcha jarayonlarni smartfon yordamida boshqarish imkoniyati borligiga qoyil qoldim. Kompaniyaning deyarli barcha tuzilmalarida, barcha bosqich va jarayonlarida IT texnologiyalari mavjud, ular nafaqat ish samaradorligini yaxshilash va oshirishni, balki inson omilining kamayishini ham ta’minlaydi.
Har bir bosqichda “kaidzen metodikasi” yordamida barcha harajatlarning optimizatsiyasi olib boriladi, bu orqali BI Group sifatni saqlab qolgan holda bozorda yuqori raqobatbardoshlikni ta’minlovchi mahsulot tannarxining kamayishiga erishadi.
Ishonchim komilki, BI Group bilan birgalikda biz birinchi navbatda o‘z loyihalarimiz ko‘lamini O‘zbekistonda va keyinchalik boshqa mamlakatlarga kengaytira olamiz. Shu bilan birga biz nafaqat yuqori sifat va standartlarni saqlabgina qolmay, balki barcha qurilish xarajatlarini optimallashtirish orqali yuqori sifatli loyihalarni yaratishda maqbul narxlarni taminlay olamiz.
Biz Aydin bilan iliq munosabatdamiz, kelajakka ishonch bilan qaraymiz hamda birgalikdagi sa’y-harakatlarimiz va sinergiya natijasida NRG kompaniyasi MDH hududida eng kuchli kompaniyalardan biriga aylanishiga ishonamiz.
BI Group kompaniyasiga 1995-yilda asos solingan. 25 yil davomida kompaniya tomonidan 150 dan ortiq loyihalar amalga oshirildi, xususan, 5 million kvadrat metrdan ziyod turar joy, tijorat ko‘chmas mulki, yo‘llar, infratuzilmali va sanoat obyektlari barpo etildi. Xolding ENR top-250 Global Contractors qurilish kompaniyalarining dunyo reytingida 186-o‘rinni egallaydi. BI Group kelajakda xalqaro qurilish kompaniyalaring birinchi 100 taligiga kirish niyatida. Kompaniyaning bu sohasidagi strategik yo‘nalishini amalga oshirish maqsadida xolding xalqaro bozordagi faoliyatini kengaytirmoqda.
Aydin Raximbayev, BI Group direktorlar kengashi raisi
— Murod Nazarov bilan ilk marotaba 2019-yilning yozida Qozog‘iston poytaxtida Ironman 70.3 musobaqasi o‘tkazilgan kunda uchrashganmiz. Murad Buildings kompaniyasining asoschisi va rahbari bizning sport tadbirimizda qatnashayotgan edi. Biz bir-birimizni sirtdan tanir edik, ammo Ironman 70.3 musobaqasi start olishidan 3 soat oldin shaxsan tanishdik. Bir necha bor uchrashganimizdan keyin kompaniyalarimiz ko‘p jabhada bir-biriga o‘xshashligini, qarashlarimizdagi umumiylikni va eng asosiysi — bir-birimizni to‘ldira olishimizni tushunib yetdik.
BI Group to‘plagan tajribasi, bilim va ko‘nikmalari, qurilishning korporativ standartlari va menejmentini Murad Buildings bilan bo‘lishadi. O‘z navbatida Murad Buildings bizning O‘zbekistondagi ishonchli hamkorimiz bo‘lib, ilg‘or arxitekturaviy yechimlar va yuqori sifati bilan ajralib turuvchi betakror turar joy majmualarini hamkorlikda yaratish imkonini beruvchi boy tajriba va bilimlari bilan o‘rtoqlashadi.
Murad Buildings mahalliy ko‘chmas mulk bozori borasida chuqur bilim, sohada yaxshi yo‘lga qo‘yilgan amaliy munosabatlar va baland obro‘ga ega. BI Group va Murad Buildings’ning kuchli tomonlarini hisobga olgan holda MDHda eng yaxshi kompaniyalardan birini yarata olishimizga ishonaman.
BI Group uchun development borasida bu birinchi xalqaro loyihadir. Bu biz uchun katta g‘alabadir. Murad Buildings bilan birgalikda biz kuchliroq va qudratliroq bo‘lamiz. Bu bir-birimizni o‘zaro to‘ldiruvchi hamkorlik, umumiy sinergiyadir. Yangi kompaniyamizning nomi ham shundan kelib chiqqan – NRG (enerji).NRG – bu yangi kompaniya ta’sischilari ismlarining bosh harflarining birlashmasi — Nazarov Raximbayev Group.
Reklama huquqi asosida.
Izoh (0)