Artel компанияси барчангизни Ўзбекистон Республикаси Кўзи ожизлар жамиятига ёрдам беришга чақиради.
Ҳар бир инсон туғилганидан беқиёс туҳфага эга. Ушбу матнни ўқиётган ҳар бир киши ранг-баранг дунё жилосидан роҳатлана олади. Табиат гўзаллигидан, эрта тонгда ёки оқшомда ойналарда офтоб нурларининг ўйинидан, бизни қамраб олган минглаб турли туман гўзал ва сўлим нарсаларга назар солиб кўзлари қувнайди. Қисқа қилиб айтганда ушбу матнни ўқиётган ҳар бири киши кўриш каби улуғ неъматга эга. Аммо, айтиш лозимки, бу бахт ҳаммага ҳам насиб этмаган, айрим юртдошларимиз тўлиқ ёки қисман зулматда яшайди.
Бугунги кунда Ўзбекистонда 45 мингдан ортиқ рўйхатга олинган кўзлари бутунлай ёки қисман ожиз фуқаролар истиқомат қилиб келмоқда. Уларнинг ҳаёти сиз кўниккан дунёдан бутунлай фарқ қилади. Сиз кун давомида ҳатто ўйламай бажарадиган вазифалар улар учун катта қийинчилик туғдириши ёки умуман бажариб бўлмайдиган вазифага айланиши мумкин. Бунинг сабаби бизнинг ҳаёт тарзимиз, атроф-муҳитимиз кўзи ожизлар учун бутунлай мослаштирилмаган. Афсуски, бу муаммо ҳақида биз ҳеч ўйланмаймиз, бунга умуман эътибор қаратмаймиз.
Кўзи ожиз болаларга илм бериш учун махсус китоблар, асбоб ускуна ва юқори квалификацияга эга мутахассислар зарур. Вояга етган ватандошларимизни янги шароитга кўникиб, ижтимоий мослашишлари ва янгидан ҳаёт бошлашлари учун махсус қурилмалар бўлиши лозим. Бундан ташқари кўзи ожиз ҳамюртларимиз учун иш жойлари яратиш, мавжуд иш жойларида эса қулай меҳнат шароитларини ташкил қилиш долзарб масалалардан биридир. Artel компанияси вакиллари Кўзи ожизлар жамияти марказига ташриф буюрди ва марказ фаолияти билан танишиб чиқди.
Ташриф давомида марказ ходимларига иш жойларида қулайлик яратиш мақсадида Artel кондиционерлари тақдим этилди.
Ушбу мақолани ўқиётган ҳар бир инсон бу вазиятни ўзгартиришга ўз ҳиссасини қўшиши мумкин. Агарда барчамиз биргаликда ҳаракат қилсак, бугунда кўзи ожизлар билан боғлиқ барча муаммолар бартараф этилиши мумкин. Artel компанияси ушбу вазиятги эътиборингизни қаратишга чақиради.
Меҳрибонлик, раҳмдиллик — халқимизга хос хислатлар, ёрдам қўлини чўзишдан бош тортманг!
Реклама ҳуқуқи асосида.
Изоҳ (0)