Saif-Optima ko‘z klinikasi sohaga oid seminarlarni muntazam o‘tkazadi, hamda xorijlik mutaxassislarni klinik tajriba bilan almashish uchun taklif etadi. 21-noyabr kuni klinika jamoasi Italiyadan kelgan mehmon – “Adaptika” kompaniyasi mutaxassisi Davide Madalossoni mamnuniyat bilan kutib oldi.
Saif-Optima ko‘z klinikasining oftolmolog shifokorlari 2WIN kontaktsiz ko‘rish analizatorini amaliyotga tatbiq qilgani italiyalik mutaxassisning tashrifiga sabab bo‘ldi. Mazkur asbobdan foydalanish samaradorligini oshirish uchun, mutaxassis ular uchun “Tibbiy amaliyotda 2WIN refraktometrining qo‘llanilishi” mavzusida taqdimot va amaliy mashg‘ulotlar o‘tkazdi. Ma’ruza bolalarga tashxis qo‘yishning zamonaviy usullarini qo‘llash masalasiga bag‘ishlandi.
Kaleidos jamlanmasidagi 2WIN binokulyar refraktometri – dunyoda o‘xshashi yo‘q asbob. Saif-Optima’da undan miopiya, gipermetropiya, astigmatizm, g‘ilaylik va ko‘rish bilan bog‘liq boshqa nuqsonlarni aniqlash maqsadida muvaffaqiyatli foydalanilmoqda. Mazkur noyob uskuna bolalarda 6 oydan boshlab optik o‘zgarishlarni aniqlash va ko‘zoynak yoki kontak linza taqqan bemorlardan ko‘rsatmalar olish imkonini beradi.
Shuningdek, 22-noyabr kuni Saif-Optima bolalar bo‘linmasi shifokorlari Davide Madalosso bilan birgalikda Toshkent shahridagi 166-maktabning 8 ta 1-sinf o‘quvchilari orasida ko‘rish qobiliyatini bepul tibbiy ko‘rikdan o‘tkazdi. Tekshiruvning 2WIN Kaleidos uskunasida amalga oshirilishi klinika shifokorlariga 4 soat ichida 250 nafar bolani skriningdan o‘tkazish va ko‘rikning ishonchli natijalarini olish imkonini berdi.
2WIN refraktometri haqida batafsil rasmiy sayti http://saif-optima.uz/pages/8 orqali bilish mumkin.
Reklama huquqi asosida.
Izoh (0)