AQSh prezidenti Donald Tramp administratsiyasi Britaniya, Fransiya va Germaniya Eronni 2015-yildagi yadroviy bitimni buzganlikda ayblamasa, Yevropa avtomobillari importiga 25 foizlik boj solish bilan tahdid qildi, deb xabar berdi “Kommersant”.
14-yanvar, seshanba kuni, ushbu Yevropa mamlakatlarining uchtasi shartnoma bo‘yicha nizolarni hal qilish mexanizmini ishga tushirdi, bu Tehronning shartlarini buzganligi haqidagi rasmiy ayblovga teng hamda bitimga muvofiq bekor qilingan BMT sanksiyalarining qayta tiklanishiga olib kelishi mumkin.
Qayd etilishicha, Yevropa mamlakatlari mexanizmni ishga tushirish haqida bir necha haftadan beri gapirayotgan edi.
Katta ehtimol bilan AQSh tomonidan bojlarning joriy etilishi haqidagi tahdidlar dolzarb emas, deb yozadi nashr.
Izoh (0)