АҚШ президенти Дональд Трамп администрацияси Британия, Франция ва Германия Эронни 2015 йилдаги ядровий битимни бузганликда айбламаса, Европа автомобиллари импортига 25 фоизлик бож солиш билан таҳдид қилди, деб хабар берди «Коммерсантъ».
14 январь, сешанба куни, ушбу Европа мамлакатларининг учтаси шартнома бўйича низоларни ҳал қилиш механизмини ишга туширди, бу Теҳроннинг шартларини бузганлиги ҳақидаги расмий айбловга тенг ҳамда битимга мувофиқ бекор қилинган БМТ санкцияларининг қайта тикланишига олиб келиши мумкин.
Қайд этилишича, Европа мамлакатлари механизмни ишга тушириш ҳақида бир неча ҳафтадан бери гапираётган эди.
Катта эҳтимол билан АҚШ томонидан божларнинг жорий этилиши ҳақидаги таҳдидлар долзарб эмас, деб ёзади нашр.
Изоҳ (0)