Bitta tranzaksiyaning o‘zida qiymati 1,1 milliard dollarga teng 125 ming bitkoin bir “hamyon”dan boshqasiga o‘tkazildi, deb yozadi Mashable.
O‘tkazmani amalga oshirish uchun olingan komissiya puli 80 dollarni tashkil etdi. Bitkoinlarni o‘tkazish vaqtidagi valyuta kursi bo‘yicha dollarda hisoblansa, ushbu operatsiya eng katta bir martalik bitim hisoblanadi.
O‘tkazilgan bitkoinlar foydalanishda bo‘lgan jami kriptovalyutaning qariyb 0,7 foizini tashkil etadi.
Bundan oldingi tranzaksiya rekordi 2019-yilning oktabrida amalga oshirilgandi: unda salkam bir milliard dollar qiymatga ega 94 ming bitkoin o‘tkazilgandi.
Kriptovalyuta soni bo‘yicha amalga oshrilgan eng yirik tranzaksiya 2011-yilga tegishli: 1,5 million dollarlik 550 ming bitkoin bir “hamyon”dan boshqasiga o‘tkazilgandi. O‘sha vaqtda bir bitkoin narxi uch dollar atrofida bo‘lgan.
Izoh (0)