Qonunlarni ishlab chiqish texnikasidan yaxshi boxabar kishilar Oliy Majlisda qanchalik ko‘p bo‘lsa, yangi kelgan deputatlarning faolligi shunchalik oshadi. Markaziy saylov komissiyasi raisi Mirzo-Ulug‘bek Abdusalomov 2019 yilgi parlament saylovining yakuniy natijalari besh yil avvalgi jarayonniki bilan deyarli bir xil bo‘lib qolgani yuzasidan berilgan savolga shunday javob berdi.
2019-yilgi parlament saylovlarning umumiy yakunlariga ko‘ra, Oliy Majlis Qonunchilik palatasida O‘zLiDeP 53 nafar (35 foiz), “Milliy tiklanish” 36 nafar (24 foiz), “Adolat” SDP 24 nafar (16 foiz), O‘zXDP 22 nafar (15 foiz) va Ekopartiya 15 nafar (10 foiz) deputatlik o‘rniga ega bo‘ldi. Taqqoslash uchun, 2014-yilgi parlament saylovlaridan so‘ng O‘zLiDeP 52 ta va “Milliy tiklanish” 36 ta o‘rin olgan, hozirgi Ekopartiyaning “ajdodi” Ekoharakat uchun 15 ta o‘rin kafolatlangan edi. Avvalgi saylovdan asosiy farq — O‘zXDP va “Adolat” o‘rin almashgan, xolos.
Mavzuga doir: Yangi O‘zbekistonning yangi parlament saylovlari yakuniy natijasi deyarli eski O‘zbekistonnikidek bo‘ldi
Har xil raqam bo‘lishi mumkin edi, ammo shu raqamlar to‘g‘ri keldi. Menimcha, buni alohida tushuntirish uchun hech qanday asos yo‘q — shu raqamlar to‘g‘ri keldi. Boshqa hech qanaqa gap yo‘q.Deputatlarimizning bir qismi deputatlik tajribasiga ega. Qonunlar ishlab chiqish texnikasini yaxshi biladiganlar parlamentda qancha ko‘p bo‘lsa, yangi kelgan deputatlarning faolligi shuncha oshadi.
Mirzo-Ulug‘bek Abdusalomov, Markaziy saylov komissiyasi raisi
Izoh (0)