Surxondaryo viloyati Termiz shahrida ayol kishi hamshirani do‘pposladi. Holat aks etgan video Facebook’dagi “Xalq bilan muloqot” guruhida e’lon qilindi.
https://www.facebook.com/dado.nado.75/videos/3138383386386228/
Videoga berilgan izohga ko‘ra, bolalar shifoxonasiga bemor bolani olib kelgan ayol hamshiraga “tez harakat qilib tibbiy yordam ko‘rsatmayapsan”, deb tibbiyot xodimini kaltaklagan.
Ta’kidlanishicha, kaltaklangan hamshira oddiy va kamsuqum oila vakili bo‘lgan.
“Daryo”ga ma’lum qilinishicha, shifoxonaga olib kelingan bolaning tana harorati yuqori bo‘lgan. Hamshira uni ko‘zdan kechirgan va tana haroratini o‘lchagan. Shundan so‘ng, hamshira bolani shifokorning oldiga olib kirishni aytganda, bolani olib kelgan ayol kishi “bolaga qaramayapsanlar”, deb uni urib ketgan. Voqeadan so‘ng bolaning yaqinlari kuzatuv kamerasida aks etgan mazkur videoni o‘chirtirishga uringan. Biroq holat aks etgan video ichki ishlar organlariga berilgan.
Hozirda mazkur holat yuzasidan tegishli idoralar tomonidan rasmiy ma’lumot berilmagan.
Avvalroq, Namanganda bemorning qarindoshi shifokorning ko‘zini ko‘r qilib qo‘ygan edi.
Mavzuga doir:
- Navoiyda yana bir “Tez yordam” xodimi tahqirlandi (video)
- Qarshida kaltaklangan “Tez yordam” shifokorlari bilan bog‘liq voqea tafsilotlari ma’lum qilindi (video)
- Toshkentda yana tez yordam shifokori kaltaklandi
- Toshkentda tez tibbiy yordam shifokorlari kaltaklandi
- Samarqandda yana tez tibbiy yordam shifokori kaltaklandi
- Yashnobodda bemorning vafot etganini aytgan shifokorlar marhumning yaqinlari tomonidan ayovsiz kaltaklandi
- Qo‘shrabotda shifokor bemorning yaqinlari tomonidan sababsiz haqoratlanib, kaltaklandi
- Payariqda bemorga o‘lim tashxisini qo‘ygan shifokor kaltaklandi. Uning ikki barmog‘i sindi
- Farg‘onada shifokor kaltaklandi. Jinoyatni yashirish uchun tuman hokimi va imom-xatib o‘rtaga tushdi
Izoh (0)