O‘zbekiston Harbiy sudining tegishli hukmi bilan sobiq MXX xodimi Nodir To‘raqulov va uning qudasi Erkin Norqobilov tomonidan jinoiy faoliyatidan olingan daromadlarni legallashtirish orqali orttirilgan mulklar birin-ketin sotuvga qo‘yilmoqda.
Majburiy ijro byurosi Surxondaryo viloyat boshqarmasiga ko‘ra, E.Norqobilovga tegishli bo‘lgan “USGTSh-Termiz” MChJ balansidagi Termiz tumanida joylashgan “Avtomobillarga gaz quyish shoxobchasi” binolari jinoiy yo‘l bilan topilgan mulk sifatida davlat egaligiga o‘tkazish belgilangan edi.
MIB Termiz tuman bo‘limi tomonidan ijro harakatlari olib borilib, ushbu mulk onlayn auksion savdolariga chiqarilgan.
Yaqinda bo‘lib o‘tgan auksion savdolarida shoxobcha 5 milliard 304 million 445 ming so‘mga sotilib, tushgan pul mablag‘lari davlat daromadiga yo‘naltirildi.
Izoh (0)