Ichki ishlar vazirligi axborot xizmati joriy yilning dekabr oyi davomida vazir o‘rinbosari, polkovnok R.Xatamov rahbarligidagi ishchi guruh tomonidan hududiy ichki ishlar organlarida videoselektor yig‘ilishlari tashkil qilinib, unda xizmat intizomi va qonunchilik talablariga rioya etilishi, xodimlar bilan bog‘liq salbiy masalalar muhokama qilingani, jumladan sakkizta hududiy boshqarmada jami 15 nafar xodim ishdan bo‘shatilganini ma’lum qildi.
Yig‘ilishlarda soha faoliyati samaradorligini yanada oshirish borasida bugungi kunda amalga oshirlayotgan o‘zgarish va yangilanishlar haqida so‘z yuritilgan. Fuqarolarning ichki ishlar xodimlariga bo‘lgan ishonchining talab darajasida emasligi, xodimlarning xizmat intizomini buzish holatlari keskin kamaygan bo‘lsa-da, qonunbuzarlik, fuqarolar bilan munosabatlarda qo‘pollik qilish kabi holatlar uchrab turgani ta’kidlangan.
Yig‘ilishlar davomida va ulardan keyin 27 nafar xodim egallab turgan lavozimidan ozod qilingan, 6 nafar xodimning maxsus unvoni bir pog‘ona pasaygan. 30 nafar IIV xodimiga qattiq hayfsan, hayfsan va tanbeh olgan, 91 nafar xodimga intizomiy jazo qo‘llash taklif qilinib, 363 nafar xodim intizomiy jazoga tortilishi haqida ogohlantirilgan.
Izoh (0)