IShID terrorchilik tashkiloti Mali hududida ikkita fransuz vertolyotining to‘qnashuvi va aviahalokat oqibatida 13 nafar fransiyalik askarning halok bo‘lgani yuzasidan mas’ulyatni o‘z zimmasiga oldi. Bu haqda “Regnum” xabar berdi.
Fransiyaning ikkita vertolyoti 25-noyabr kuni Mali janubida terrorchilarga qarshi tungi harbiy operatsiya vaqtida to‘qnashgan.
Fransiya qurolli kuchlari mamlakatning armiya aviatsiyasidan Malidagi terrorchilik guruhlariga qarshi kurashish uchun “Barxan” harbiy operatsiyasida ko‘mak so‘ragandi.
Xabarga ko‘ra IShID bergan bayonotda jangarilarining Menaka shahrida harbiy karvonini ko‘rib ularga hujum uyushtirgan va ushbu to‘qnashuv yanada keskinlashgan.
“Ichida harbiylar bo‘lgan vertolyot quruqlikdagi askarlarga yordam berish uchun yetib kelgan va jangovar harakatlar amalga oshirilayotgan yerga qo‘nishga uringan. Ammo terrorchilarning hujumi oqibatida ikkita vertolyot bir-biri bilan to‘qnashib ketgan. Yakunda 13 nafar fransiyalik harbiy halok bo‘lgan”, — deyiladi bayonotda.
Mavzuga doir:
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Izoh (0)