Vazirlar Mahkamasining 2019-yil 21-noyabrdagi qaroriga asosan O‘zbekiston Respublikasi Milliy gvardiyasi tomonidan qo‘riqlanadigan obyektlar ro‘yxati tasdiqlandi. Bu haqda Milliy gvardiya tomonidan ma’lum qilindi.
Xabar berilishicha, qarorni qabul qilishda jismoniy va yuridik shaxslar mulkini, jamiyatning barqaror rivojlanishi uchun ijtimoiy-iqtisodiy ahamiyatga ega bo‘lgan obyektlarni ishonchli qo‘riqlashni ta’minlashda yagona tamoyil va yondashuvlar joriy etish hisobga olingan.
Shuningdek, qo‘riqlash faoliyatini yanada takomillashtirish, qo‘riqlash xizmatlarini ko‘rsatish sifatini oshirish maqsadida mazkur qaror qabul qilingan.
Qaror bilan tasdiqlangan ro‘yxatdan Milliy gvardiya qo‘riqlash xizmatlari sof bo‘linmalari tomonidan qo‘riqlanadigan obyektlar hamda qo‘riqlash vositalari monitoring va nazorat markazlari tomonidan texnik qo‘riqlash vositalari yordamida qo‘riqlanadigan obyektlar joy olgan.
Ushbu ro‘yxat O‘zbekiston Respublikasi Prezidenti davlat xavfsizlik xizmati, Mudofaa vazirligi, Ichki ishlar vazirligi, Favqulodda vaziyatlar vazirligi, Davlat xavfsizlik xizmati vakolatlari doirasida qo‘riqlanadigan obyektlarga tatbiq qilinmaydi.
Izoh (0)