O‘zbekiston Xalq ta’limi vaziri Sherzod Shermatov Buyuk Britaniyaning O‘zbekistondagi favqulodda va muxtor elchisi Timoti Torlotni qabul qildi. Bu haqda vazirlik tomonidan xabar berildi.
Uchrashuv davomida elchi O‘zbekistonda olib borilayotgan xalq ta’limi sohasidagi islohotlar bilan yaqindan tanishdi. Shuningdek, O‘zbekiston va Buyuk Britaniya o‘rtasida ta’lim sohasidagi hamkorlik va qo‘shma loyihalarni amalga oshirish masalalari ko‘rib chiqildi.
Ta’kidlanishicha, Xalq ta’limi vazirligi va Britaniya kengashi maktablarda ingliz tilini o‘qitishni takomillashtirish uchun birgalikda ishlamoqda. Uchrashuvda ikki mamlakat o‘rtasidagi hamkorlikni kengaytirish, jumladan, ekologiya masalalari ham muhokama qilindi.
Izoh (0)