Shifokorlar Assanj turmada o‘lishi mumkinligidan xavotirda

Buyuk Britaniya, Avstraliya va boshqa Yevropa davlatlarining 60 nafar shifokordan iborat guruhi Londonda hibsga olingan WikiLeaks tashkiloti asoschisi Julian Assanjning ruhiy va fiziologik holatidan xavotirda ekanligi, uni zudlik bilan shifoxonaga yotqizish kerakligini ma’lum qildi. Bu haqda “TASS” xabar berdi.

“Bor dalillar asosida tibbiyot nuqtayi nazaridan qaraganda Assanjning 2020-yil sudda jismonan sog‘lom holatda javob bera olishi mumkinligiga shubha va xavotir mavjud. Biz janob Assanjning jismoniy va ruhiy holati tezkor ekspertlar tibbiy xulosasiga muhtoj ekanligini ma’lum qilamiz”, — deyiladi shifokorlarning Britaniya IIV vakili Priti Patelga yozgan xatining WikiLeaks’da tarqalgan nusxasida.

Ayni vaqtda Assanj Belmarshdagi qamoqxonada saqlanmoqda. Shifokorlarning fikricha, WikiLeaks asoschisi jismoniy va ruhiy muammolarga ega, jumladan, kuchli tushkunlik holatida. Doktorlar Assanjni maxsus klinikaga o‘tkazish va u yerda unga professional shifokorlar yordam ko‘rsatishini tavsiya qilgan.

“Agar ushbu xulosalar berilmasa va muolaja vaqtida amalga oshirilmasa, Assanj turmada vafot etishi mumkin”, — deyilgan xatda.

Avval Assanjning otasi Jon Shipton o‘g‘lining qamoqxonada o‘lib ketishi mumkinligidan qo‘rqayotganini ma’lum qilgan. Shipton Julianning harbiy jinoyatlar haqidagi haqiqatni ma’lum qilib, o‘n yil davomida ta’qibda qochib yurgani va yakunda qamoqda o‘tirganini adolatsizlik deb baholagan.