Буюк Британия, Австралия ва бошқа Европа давлатларининг 60 нафар шифокордан иборат гуруҳи Лондонда ҳибсга олинган WikiLeaks ташкилоти асосчиси Жулиан Ассанжнинг руҳий ва физиологик ҳолатидан хавотирда эканлиги, уни зудлик билан шифохонага ётқизиш кераклигини маълум қилди. Бу ҳақда «ТАСС» хабар берди.
«Бор далиллар асосида тиббиёт нуқтаи назаридан қараганда Ассанжнинг 2020 йил судда жисмонан соғлом ҳолатда жавоб бера олиши мумкинлигига шубҳа ва хавотир мавжуд. Биз жаноб Ассанжнинг жисмоний ва руҳий ҳолати тезкор экспертлар тиббий хулосасига муҳтож эканлигини маълум қиламиз», — дейилади шифокорларнинг Британия ИИВ вакили Прити Пателга ёзган хатининг WikiLeaks’да тарқалган нусхасида.
Мавзуга доир:
«Агар ушбу хулосалар берилмаса ва муолажа вақтида амалга оширилмаса, Ассанж турмада вафот этиши мумкин», — дейилган хатда.
Аввал Ассанжнинг отаси Жон Шиптон ўғлининг қамоқхонада ўлиб кетиши мумкинлигидан қўрқаётганини маълум қилган. Шиптон Жулианнинг ҳарбий жиноятлар ҳақидаги ҳақиқатни маълум қилиб, ўн йил давомида таъқибда қочиб юргани ва якунда қамоқда ўтирганини адолатсизлик деб баҳолаган.
Изоҳ (0)