AQSh mudofaa vaziri Mark Esper mamlakat harbiy dengiz kuchlari rahbari Richard Spenser harbiy jinoyatlarga aloqadorligi uchun iste’foga chiqishi zarur deb hisoblamoqda. Bu haqda The Washington Post xabar bergan.
“Vazir Spenser o‘z lavozimda qolib ishonchimni qozonishi endi mumkin emas, deb hisoblayman. Richardga kelgusi ishlarida omad tilayman”, — deyiladi Pentagon rahbarining bayonotida.
Nashrning yozishicha, Esperning Spenserga bo‘lgan ishonchining yo‘qolishi dengiz piyodasi Edvard Gallaxerning bir necha jinoyatlarda aybsiz deb topilib, sud tomonidan oqlangani bilan bog‘liq bo‘lishi mumkin.
Esper Spenserning o‘zboshimchalik bilan Oq uy mansabdorlariga murojaat qilib jamoatchilikning qarama-qarshi fikrda ekaniga qaramay Gallaxerning o‘z lavozimiga qaytishi hamda dengiz piyodasi sifatida iste’foga chiqarilishini bildirganidan xavotirga tushganini ta’kidlagan.
Keyinchalik, Pentagon vakili Jonatan Hoffman Spenserning ushbu taklifi ikki harbiyi qo‘mondonnin Gallaxer ishi bo‘yicha juda ko‘p marta suhbat qurganiga qaramay Esperdan sir tutilganini ma’lum qilgan.
Iste’foga chiqadigan Spenser o‘rniga mudofaa vaziri AQShning Norvegiyadagi elchisi Kennet Breytueyt nomzodini tavsiya qilgan.
Gallaxer 2017-yilda Iroqda IShID jangarisining murdasi yonida suratga tushgan. O‘sha yili iyulda harbiy tribunal xizmat vaqtida noqonuniy ravishda foto olgani uchun aybdor, lekin asirga olingan terrorchini o‘ldirmagan deb topgan. Harbiy quyiroq lavozimga tushirilgan va oylik maoshi qisqartirilgandi.
AQSh harbiy dengiz kuchlari qo‘mondonligi shu haftada Gallaxer ishi flotning maxsus komissiyasi tomonidan ko‘rib chiqilishi va uning “dengiz mushuklari” safida qolish-qolmasligi komissiya xulosasiga bog‘liqligini bildirgan.
AQSh prezidenti Donald Tramp Twitter’da harbiy dengiz kuchlarining Gallaxerni lavozimdan chetlatishga haqqi yo‘qligi haqida yozgan.
AQSh harbiy dengiz kuchlari vaziri ushbu tvitga javoban Twitter’da bildirilgan fikr rasmiy buyruq deb tan olinmasligini aytgan.
Izoh (0)