Kongo demokratik respublikasida ikki motorli samolyotning halokati oqibatida qurbon bo‘lganlarning soni 29 taga yetdi. 16 nafar fuqaro turli darajadagi tan jarohatlari olgan. Bu haqda “Kommersant” xabar berdi.
Taxminlarga ko‘ra samolyot halokatga texnik nosozliklar tufayli uchragan.
Busy Bee aviakompaniyasining samolyoti 24-noyabr kuni havoga ko‘tarilganidan uch daqiqa o‘tgach, kutilmaganda qulab tushgan. U Goma mavzesidagi uylar ustiga qulagan. Havo kemasi bortida jami 19 nafar odam: 17 nafar yo‘lovchi hamda ekipajning ikki nafar a’zosi bo‘lgan.
Halok bo‘lganlarning soni samolyotdagi yo‘lovchilaridan ko‘pligi samolyotning turar joy binolariga qulagani bilan izohlanmoqda. To‘rtta uyda yashovchi fuqarolardan faqat ikki nafar odamgina samolyot portlashidan avval qochib qolishga ulgurgan.
https://twitter.com/AFP/status/1198557888916180992
Izoh (0)