23-noyabr, shanba kuni Birlashgan Arab Amirliklarining eng katta shaharlaridan biri bo‘lgan Dubayda Turkmaniston bosh konsulligining rasmiy ochilish marosimi bo‘lib o‘tdi. Bu haqda Turkmaniston davlat axborot agentligi xabar bergan.
Dubaydagi marosimda Turkmaniston tashqi ishlar vaziri Rashid Meredov hamda sentabrda konsullik rahbarligiga tayinlangan Ixlosgeldi Amanov ikki davlat o‘rtasidagi xalqaro munosabatlar haqida iliq fikrlar bildirgan.
Muqaddam Ixlosgeldi Amanovning Turkmaniston prezidenti Gurbanguli Berdimuhamedovning kuyovi ekani va uning Dubaydagi mamlakat konsulligiga rahbarlikka tayinlangani xabar qilingan.
“Gundogar” nashrining yozishicha, Amanov Turkmanistonning Germaniya, Belgiya va Buyuk Britaniyadagi elchixonalarida birinchi kotib lavozimida faoliyat yuritgan.
Izoh (0)