O‘zbekistonliklar eng muhim hujjatlarni Davlat xizmatlari markazlarida olishlari mumkinligiga o‘rganib qolgan. Saylov o‘tkazish vaqtida Davlat xizmatlari agentligi o‘z imkoniyatlarini kengaytirishga qaror qildi. Bu haqda agentlik matbuot xizmati ma’lum qildi.
Fuqarolar qulayligi uchun saylov uchastkalari yangi Davlat xizmatlari markazlarida joylashtirildi. Bu yerda xodimlar davlat xizmatlarini ko‘rsatishdan tashqari, foydali ma’lumotlar bilan ulashish, saylovda qatnashishning ahamiyati to‘g‘risida ma’lumot berishga tayyor. Monitorlarda shu kunlarda mavzuga oid videoroliklar namoyish etilmoqda.
Bugungi kunda bu kabi ovoz berish uchun qulay bo‘lgan saylov uchastkalari zamonaviy Davlat xizmatlari markazlarida ham joylashtirilmoqda. Jumladan, Jizzax viloyatining Do‘stlik va Mirzacho‘l, Namangan viloyatining Pop va Yangiqo‘rg‘on, Samarqand viloyatining Nurobod va Paxtachi tuman Davlat xizmatlari markazlarini misol sifatida keltirish mumkin.
Bundan tashqari, dam olish kunlari sayyor davlat xizmatlarini ko‘rsatish jarayonida Davlat xizmatlari markazlari xodimlari saylov qonunchiligi sohasidagi targ‘ibot ishlarini olib bormoqda.
Izoh (0)