Ўзбекистонликлар энг муҳим ҳужжатларни Давлат хизматлари марказларида олишлари мумкинлигига ўрганиб қолган. Сайлов ўтказиш вақтида Давлат хизматлари агентлиги ўз имкониятларини кенгайтиришга қарор қилди. Бу ҳақда агентлик матбуот хизмати маълум қилди.
Фуқаролар қулайлиги учун сайлов участкалари янги Давлат хизматлари марказларида жойлаштирилди. Бу ерда ходимлар давлат хизматларини кўрсатишдан ташқари, фойдали маълумотлар билан улашиш, сайловда қатнашишнинг аҳамияти тўғрисида маълумот беришга тайёр. Мониторларда шу кунларда мавзуга оид видеороликлар намойиш этилмоқда.
Бугунги кунда бу каби овоз бериш учун қулай бўлган сайлов участкалари замонавий Давлат хизматлари марказларида ҳам жойлаштирилмоқда. Жумладан, Жиззах вилоятининг Дўстлик ва Мирзачўл, Наманган вилоятининг Поп ва Янгиқўрғон, Самарқанд вилоятининг Нуробод ва Пахтачи туман Давлат хизматлари марказларини мисол сифатида келтириш мумкин.
Бундан ташқари, дам олиш кунлари сайёр давлат хизматларини кўрсатиш жараёнида Давлат хизматлари марказлари ходимлари сайлов қонунчилиги соҳасидаги тарғибот ишларини олиб бормоқда.
Изоҳ (0)