Ishsizlik muammosi O‘zbekiston yoshlarini qiynayotgan eng katta muammodir. Bu haqda Yoshlar ittifoqi markaziy kengashi ijro apparati rahbari Muzaffar Akromov ma’lum qildi.
Ishsizlik muammosi O‘zbekiston yoshlarini qiynayotgan eng katta muammodir. O‘zbekistonda taxminan 700 000 yosh ishsiz hisoblanadi. Bu umumiy O‘zbekiston yoshlarining 14, 9 foizini tashkil etadi”, — degan Muzaffar Akromov Xalqaro press-klubning navbatdagi “Press-qahva” loyihasida.
Uning so‘zlariga ko‘ra, yoshlarga oid siyosat bilan faqat Yoshlar ittifoqi ishlamaydi. Hamma birlashib, bir yoqadan bosh chiqargan holda yoshlarni qo‘llab-quvvatlashi lozim.
Shuningdek, Muzaffar Akromovning ta’kidlashicha, 2019-yilda Yoshlar ittifoqiga 200 milliard mablag‘ ajratilgan. Ularning 100 milliardi yoshlar uylarini qurishga yo‘naltirilgan. Qolgan mablag‘ning katta miqdori Yoshlar ittifoqining tadbirlarini tashkillashtirishga yo‘naltirilmoqda.
Avvalroq Oliy Majlis Qonunchilik palatasining Mehnat va ijtimoiy masalalar qo‘mitasi tomonidan ikkinchi o‘qishga tayyorlanayotgan yangi tahrirdagi “Aholini ish bilan ta’minlash to‘g‘risida”gi qonun loyihasi yuzasidan fraksiyalararo munozara o‘tkazilgandi. Qonun loyihasida ishsizlarni kuchli ijtimoiy himoya qilishning muhim tadbirlari, xususan, ishsizlik nafaqasi miqdorini, aholi bandligini faollashtirish va uning samarasini oshirishni davlat tomonidan moliyalashtirishni keskin ko‘paytirish nazarda tutilgan.Bandlik va mehnat munosabatlari vaziri o‘rinbosari Erkin Muhiddinov O‘zbekistonda ishsizlik nafaqasi 2 barobarga ko‘payib, 2020-yilda 644 ming so‘mga teng bo‘lishini aytgandi.
Izoh (0)