Kiyevdagi bozorda 17 nafar muhojir qo‘lga olindi. Ular orasida o‘zbekistonliklar ham bor

Kiyevdagi Troyeshina bozorida Ukrainada nolegal holatda bo‘lib turgan 17 nafar xorijlik aniqlandi. Bu haqda “Korrespondent.net” xabar bermoqda.

Ukrainada zarur hujjatlarsiz istiqomat qilayotgan chet elliklar O‘zbekiston, Ozarbayjon, Qirg‘iziston, Gruziya, Xitoy, Armaniston va Bangladesh fuqarolari bo‘lib chiqdi. Ulardan ayrimlari mamlakatga noqonuniy kirgani, ba’zilarida esa Ukrainada bo‘lib turish muddati o‘tib ketgani ma’lum bo‘ldi.

Migratsiya qonunchiligini buzgan shaxslarga nisbatan ma’muriy choralar ko‘rildi. Ulardan 11 nafari majburiy tartibda deportatsiya qilinadigan, ikki nafarining esa Ukrainada vaqtincha bo‘lib turish muddati qisqartiriladigan bo‘ldi.