Yakka tartibdagi tadbirkorlar uchun bank hisob raqamini onlayn ochish imkoniyati paydo bo‘ldi, deb “Daryo”ga ma’lum qildi Davlat xizmatlari agentligi axborot xizmati.
Ma’lum qilinishicha, avval ushbu qulaylik faqatgina yuridik shaxslar uchun mavjud bo‘lgan.
Firma ochgandan so‘ng yoki yakka tartibdagi tadbirkor sifatida ro‘yxatdan o‘tgach, ixtiyorga ko‘ra bankni tanlash, so‘ngra 5 daqiqa ichida bank hisob raqamini ochish mumkin. Shuningdek, hisob raqamini Davlat xizmatlari markazlariga tashrif buyurgan holda yoki elektron tarzda fo.birdarcha.uz sayti orqali ochish mumkin.Qo‘shimcha qilinishicha, bugungi kunda O‘zbekistonda faoliyat yuritayotgan 27 ta bank orqali DXM yoki onlayn formatda hisob raqami ochish imkoni mavjud.Davlat xizmatlari agentligi
Izoh (0)