Buyragi transplantatsiya qilingan xorazmlik 28 yoshli bemor Oltinoy Mahmudova davlat tomonidan beriladigan bepul dori — “Allasept” ichganidan so‘ng ahvoli og‘irlashgani, ilojsizlikdan tanish-bilishlar orqali “Maysept” sotib olishga majbur bo‘lgani haqida xabar berilgan edi. “Togri.uz” tomonidan xabar berilishicha, ushbu xabar tarqalgach, Oltinoyga Toshkentdan qo‘ng‘iroq bo‘lgan, unga juda qo‘pol muomala qilingan.
“Sen o‘zing ularga xabar berdingmi yoki ular montaj qilib shunaqa xabar chiqarishdimi?”, — deb so‘rashdi. Men o‘zim aytdim, ular yozishdi dedim. “6 oydan beri ichayotgan doringdan endi kasal bo‘lib qoldingmi?”, — deb aytishdi“Togri.uz”ning yozishcha, ushbu masala yuzasidan O‘zbekiston Sog‘liqni saqlash vazirligi matbuot kotibi Furqat Sanayev Oltinoyning holidan xabar olish uchun u bilan gaplashgani, qo‘pol muomalada bo‘lmaganini aytgan.Oltinoy Mahmudova
Buyragi ko‘chirib o‘tkazilgan bemorlarga berilayotgan dorilarga yana qaysi davlatlarda ruxsat berilgani, qaysi firmalar bu dorilarni O‘zbekistonga keltirayotgani, tender komissiyasi haqidagi savollariga vazirlik matbuot kotibi javob bermagan, u o‘zining mutaxassis emasligi, bulardan bexabarligini aytgan.
Furqat Sanayevning aytishicha, bemorlar hammasi rozi, dori sababli biror bemorning ahvoli og‘irlashmagan. Tenderda yutqazgan raqobatchi firmalar bemorlar haqida bo‘rttirilgan xabarlar tarqatmoqda.
Sog‘liqni saqlash vazirligi esa hozirda berilayotgan dorilar — “Allasept” va “Roligraf”ning tarkibi avval berib kelingan “Maysept”, “Prograf” va “Pangraf” bilan bir xilligini ta’kidlamoqda.
Izoh (0)