Samarqandlik tergovchilar joriy yil avgust oyida yuz bergan itni avtomobilda bosib o‘tishga urinish holati bo‘yicha tergovga qadar tekshiruv o‘tkazdi va “hech qanday holat yuz bermagan” deb topdi. Bu haqda Mehr va Oqibat jonivorlarni himoya qilish jamiyati ma’lum qildi.
Shahardagi 3-IIB boshlig‘i O.Jo‘rayev imzolagan xatda ushbu ishning ko‘rib chiqilishi to‘xtatilgani, bu qarordan norozi bo‘lgan tomonlar shahar prokuraturasiga murojaat etishi mumkinligi ma’lum qilingan.
Mehr va Oqibat jamiyati ushbu javobdan qoniqish hosil qilmagan. Jamiyat vakillari Samarqand huquq-tartibot xodimlari avtomobil egalari itni bosib o‘tishga uringani aks etgan videoni o‘rganishni istamaganidan taajjublangan.
Jonivorlar himoyachilari samarqandlik tergovchilarga Toshkent shahar IIBBdan o‘rnak olishni tavsiya qilgan. Ularning aytishicha, poytaxda ayrim ichki ishlar xodimlari hayvonlar huquqini himoya qilishda yordam beribgina qolmay, balki o‘zlari ham bunda bevosita ishtirok etadi.
Izoh (0)