Toshkentning ayrim mahalla va mavzelarida ariqlar (lotoklar) toshlar bilan to‘ldirib chiqilayotgani haqida fotoxabarlar tarqalgan edi. Toshkent shahar hokimligi matbuot xizmati ushbu holat yuzasidan axborot berdi.
Ma’lum bo‘lishicha, bu poytaxtda bosqichma-bosqich joriy qilinayotgan yangi drenaj tizimining bir qismidir. Yangi tizim yer sathidan bir metr pastda joylashadi va u mavjud “lotok”larning ostidan o‘tadi. Qayd etishlaricha, Rossiya va Kanada kabi davlatlarda shunday tizimdan foydalaniladi.
“Biz qo‘shimcha zaxira quduqlarini ham quryapmiz. 5 metr chuqurlikdagi quduqlar kuchli yog‘ingarchilik paytida suv tortib ketish uchun yordamchi kuch bo‘ladi. Bu tizim o‘tgan yili Mirzo Ulug‘bek tumanida qurilgandi va u o‘zini oqladi”, — deydi qurilish korxonasi rahbari Avetik Ovsepyan.
Qayd etish joiz, har yog‘ingarchilikdan so‘ng Toshkent ko‘chalarining suvga to‘lib, yo‘llar “kanal” va “daryolar”ga aylanib ketishi so‘nggi yillarda odatiy holga aylanib qolgan. Rasmiylarning so‘zlariga ko‘ra, shahar drenaj tizimini tartibga keltirish uchun 60 million dollar miqdorida mablag‘ kerak.
Mavzuga doir:
- 2015-yil, mart: Toshkent ko‘chalari yana suv toshqini ostida qoldi (foto)
- 2015-yil, oktabr: Tinimsiz yoqqan yomg‘ir Toshkent avtomobil yo‘llarini ko‘lmaklarga aylantirdi (foto)
- 2016-yil, may: Foto: Yog‘ingarchilik sabab Toshkent ko‘chalari suvga to‘ldi
- 2016-yil, dekabr: 7-dekabr kungi yomg‘ir Toshkent ko‘chalarini suvga to‘ldirdi (foto)
- 2017-yil, may: Foto: Kuchli yomg‘irdan so‘ng suv ostida qolgan Toshkent
- 2018-yil, may: Suv ostida qolgan Toshkent (fotojamlanma)
- 2019-yil, iyun: Yomg‘ir natijasida Toshkent suv ostida qoldi (video)
Izoh (0)