Тошкентнинг айрим маҳалла ва мавзеларида ариқлар (лотоклар) тошлар билан тўлдириб чиқилаётгани ҳақида фотохабарлар тарқалган эди. Тошкент шаҳар ҳокимлиги матбуот хизмати ушбу ҳолат юзасидан ахборот берди.
Маълум бўлишича, бу пойтахтда босқичма-босқич жорий қилинаётган янги дренаж тизимининг бир қисмидир. Янги тизим ер сатҳидан бир метр пастда жойлашади ва у мавжуд «лоток»ларнинг остидан ўтади. Қайд этишларича, Россия ва Канада каби давлатларда шундай тизимдан фойдаланилади.
«Биз қўшимча захира қудуқларини ҳам қуряпмиз. 5 метр чуқурликдаги қудуқлар кучли ёғингарчилик пайтида сув тортиб кетиш учун ёрдамчи куч бўлади. Бу тизим ўтган йили Мирзо Улуғбек туманида қурилганди ва у ўзини оқлади», — дейди қурилиш корхонаси раҳбари Аветик Овсепян.
Қайд этиш жоиз, ҳар ёғингарчиликдан сўнг Тошкент кўчаларининг сувга тўлиб, йўллар «канал» ва «дарёлар»га айланиб кетиши сўнгги йилларда одатий ҳолга айланиб қолган. Расмийларнинг сўзларига кўра, шаҳар дренаж тизимини тартибга келтириш учун 60 миллион доллар миқдорида маблағ керак.
Мавзуга доир:
- 2015 йил, март: Тошкент кўчалари яна сув тошқини остида қолди (фото)
- 2015 йил, октябрь: Тинимсиз ёққан ёмғир Тошкент автомобиль йўлларини кўлмакларга айлантирди (фото)
- 2016 йил, май: Фото: Ёғингарчилик сабаб Тошкент кўчалари сувга тўлди
- 2016 йил, декабрь: 7 декабрь кунги ёмғир Тошкент кўчаларини сувга тўлдирди (фото)
- 2017 йил, май: Фото: Кучли ёмғирдан сўнг сув остида қолган Тошкент
- 2018 йил, май: Сув остида қолган Тошкент (фотожамланма)
- 2019 йил, июнь: Ёмғир натижасида Тошкент сув остида қолди (видео)
Изоҳ (0)