1-sentabr kuni Favqulodda vaziyatlar vazirligi Yong‘in xavfsizligi institutida birinchi bosqich kursantlarining harbiy qasamyod qabul qilish marosimi o‘tkazildi. Bu haqda institut matbuot xizmati “Daryo”ga ma’lum qildi.
Unda Favqulodda vaziyatlar vazirligi rahbariyati, Yong‘in xavfsizligi instituti shaxsiy tarkibi hamda professor-o‘qituvchilari, Yoshlar ittifoqi va bir qator boshqa jamoatchilik tashkilotlari vakillari, Sergeli tumani hokimligi mutasaddilari, kursantlarning ota-onalari va yaqinlari, shuningdek, ommaviy axborot vositalari vakillari ishtirok etdi.
Hozirda institutda 700 nafarga yaqin kursant tahsil olayotgan bo‘lsa, ularning 150 nafardan ortig‘i birinchi bosqich kursantlari hisoblanadi.
Tadbirda so‘zga chiqqan, Favqulodda vaziyatlar vazirining birinchi o‘rinbosari, general-mayor Abdulla Qo‘ldoshev, institutning birinchi bosqichiga qabul qilingan kursantlarni harbiy qasamyod qabul qilganliklari munosabati bilan tabriklab, ularga o‘zining samimiy va ezgu niyatlarini izhor etdi. Ularni tirishqoqlik va qat’iyat bilan bilim olishga, amaliy ko‘nikmalarni o‘zlashtirishga, yaratib berilayotgan shart-sharoitlardan oqilona va unumli foydalanish lozimligini alohida ta’kidladi.
Shundan so‘ng institutning yuqori bosqichlarida tahsil olayotgan, a’lo baholarga o‘qiyotgan va jamoat ishlarida o‘rnak bo‘layotgan iqtidorli kursantlarga, “Vazir stipendiatlari”ga faxriy yorliqlar tantanali ravishda topshirildi.
Izoh (0)