Fransiyaning Lion shahri bilan chegaradosh Villerban shahrida yuz bergan hujum oqibatida bir kishi halok bo‘ldi va yana to‘qqiz kishi shikastlandi, deya xabar bermoqda BFM TV. Jabrlanuvchilarning uch nafari og‘ir jarohatlangan.
Laurent Bonnevay metro bekati oldida yuz bergan hujumda ikki jinoyatchi qatnashgan. Le Progres’ning guvohlar so‘ziga tayanib xabar berishicha, jinoyatchilardan biri barbekyu pichog‘i bilan qurollangan bo‘lgan. Ikkinchisining qo‘lida esa six bo‘lgan, deya aniqlik kiritmoqda Le Figaro.
O‘tkinchilar hujum qilgan shaxslardan birini tutib olishga muvaffaq bo‘lgan. Quyidagi videoda u lift oldida o‘tirganini ko‘rish mumkin. Politsiya uning sherigini ushlash choralarini ko‘rmoqda.
On le voit ici maîtrisé par des passants. (assis devant l'ascenseur) pic.twitter.com/gDLhJ5lWX0
— Alex 🌍 🚴💻🍻 (@Khas_sf) August 31, 2019
Politsiya hujum sabablarini aniqlash ustida ham ish olib bormoqda. Hodisa joyiga harbiylar va politsiyachilar yetib kelgan. Metro bekati vaqtincha yopilgan, deb yozadi Meduza.
Izoh (0)