Suriyaning Idlib viloyatida 31-avgustdan e’tiboran o‘t ochishni to‘xtatish tartibi yangitdan joriy qilindi. Bu haqda Nizolashayotgan tomonlarni yarashtirish markaziga tayanib, “Kommersant” xabar berdi.
Rossiya nizolashayotgan tomonlarni yarashtirish markazi vaziyatni barqarorlashtirish maqsadida Suriya hukumat kuchlari bilan 2019-yil 31-avgust kuni tonggi soat 6:00 dan boshlab “Idlib” xavfsizlik zonasida o‘t ochishni to‘xtatish to‘g‘risida bir tomonlama kelishuvga erishgan.
Avgust oyida Suriya armiyasi Idlib viloyatida jangarilar o‘t ochishni to‘xtatish bo‘yicha kelishuvni buzgani uchun terrorchi guruhlarga qarshi jangovar operatsiyalarni qayta boshlashini e’lon qilgan edi.
O‘shanda tomonlar bir-birini 2018-yil 17-sentabrda Sochida Rajab Toyyib Erdo‘g‘on va Vladimir Putin ishtirokida imzolangan vaziyatni barqarorlashtirish to‘g‘risidagi memorandumga rioya qilmaslikda ayblagan.
Ma’lumot uchun, 16-sentabr kuni Anqarada Eron va Rossiya ishtirokida Suriya bo‘yicha uch tomonlama sammit bo‘lib o‘tishi kutilmoqda.
Izoh (0)