Turkmaniston prezidenti Gurbanguli Berdimuhamedov mamlakatda bankomatlar ishidagi uzilishlar uchun Markaziy bank raisi Mardon Annadurdiyevga hayfsan e’lon qildi.
Shundan so‘ng rasmiylar muammoni fuqarolarga bankomat oldida to‘planishni man etish orqali hal qilishga kirishdi. Lebap viloyatida politsiya bankomatlar oldida navbatda turgan kishilarni ushlab, so‘roqqa tutmoqda. Shuningdek, korxona-tashkilotlarda xodimlar bilan bankomatlar oldida ko‘zga tashlanavermaslik talab qilingan suhbatlar o‘tkazilmoqda.
Poytaxt Ashxobodda ham bankomatlar oldida navbatlar kuzatilmoqda, viloyatlarda esa navbatini yo‘qotmaslik uchun odamlar tunab qolishga majbur bo‘lmoqda. Bitta operatsiya davomida bankomatlar 100 manat (29 dollar atrofida) bermoqda, qolgan pullar uchun yana navbatga turishga to‘g‘ri keladi.
Shu tufayli aholi maosh, pensiya va nafaqalarini naqdlashtirish, paxta va g‘alla terimi uchun pullarni olishda qiynalmoqda.
Izoh (0)