Kolorado shtatining Denver shahridagi qamoqxonada hech qanday yordamsiz tug‘ishga majbur bo‘lgan amerikalik ayol shahar hokimiyati va mahalliy tibbiy markazni sudga berdi, deb yozmoqda “RIA Novosti”.
Videoyozuv Dayana Sanches 2018-yilning 31-iyulida o‘zining bir kishilik kamerasida tug‘ganini tasdiqlagan. Ayolning so‘zlariga ko‘ra, qamoqxona xodimlariga to‘lg‘oq boshlangani haqida bir necha marta aytganiga qaramay, unga yordam ko‘rsatilmagan.
Da’vo arizasi 28-avgust kuni Kolorado shtatining okrug sudiga berilgan. Unda javobgar sifatida Denver shahri, shahar tibbiy markazi va 6 nafar jismoniy shaxs ko‘rsatilgan.
Washington Post gazetasining yozishicha, Denver sherifi idorasi ichki tekshiruvda ishga aloqador xodimlarni oqlaganidan so‘ng da’vo arizasi berilgan.
Izoh (0)