Tasavvur qiling, talaba yoki novatorsiz, avtomobilsozlik, avtosanoat, umuman, ayni sohaga aloqador bir qancha g‘oyalaringiz bor-u, ularni amalga oshirishga yo‘l, o‘zingiz uchun munosib hamkor izlab yuribsiz. Chet elda ta’lim olayotgan tengdoshlaringiz bilan fikr-mulohaza, tajriba almashish istagi ham yo‘q emas. Qayerga borasiz, kimga murojaat qilasiz? Endi bu savolning javobi aniq.
Toshkentning Bektemir tumanida ochilgan O‘zbekistondagi ilk innovatsion startap-platforma — UzAuto Market sizga shunday imkoniyatni taqdim etadi. Talabalar, novatorlar, ixtirochilar, ishlab chiqaruvchilar, importchilar, savdo-sotiq sohasining vakillari, sarmoyadorlar – sohaga chambarchas bog‘liq mutaxassislar uchun yagona maydon.
Xo‘sh, bunday platformaning tashkil etilishiga qanday omillar asos bo‘lib xizmat qildi? Ochilish marosimida so‘zga chiqqan “O‘zavtosanoat” raisi Shavkat Umrzoqov tomonidan keltirib o‘tilgan:
- Xorijda yoki o‘zimizda ta’lim olayotgan, ishlayotgan yoshlarning keyingi faoliyatini qo‘llab-quvvatlash;
- Tayyor g‘oyalarga ega yoshlar va ularni amalga oshirish imkoniyatiga ega ishlab chiqaruvchilar, sarmoyadorlarni birlashtirish;
- Yoshlarning g‘oyalarini ro‘yobga chiqarish, sotish, kerakli mahsulotlar ustida ilmiy ishlarini olib borishiga sharoit hozirlash;
- Sohaga aloqador mutaxassislarni tizim imkoniyatlari bilan izchil tanishtirish;
- Yaratilgan g‘oyalarning chetga chiqib ketmasdan O‘zbekistonda tatbiq etilishini ta’minlash maqsadlari asnosida bugungi kunda ana shunday yangi platformaga qo‘l urildi.
UzAuto Market Show-room’ida o‘zimizning talabalar tomonidan qilingan ishlarni ko‘rasiz, yigitlarimiz shu narsalarni qila oladimi, deb yoqimli tarzda hayron qolasiz. Ayni startap-platforma orqali biz ularning imkoniyatlarini xalqimiz, ishlab chiqaruvchlarimizga yetkazib beramiz. Platforma ishlaydigan, inson kelganida ichidagi g‘oyalarini ayta oladigan, biznes yarata olaman, pul topa olaman, deb o‘ylaydigan, g‘oyalari ro‘yobga chiqadigan joy deb bilishi kerak. Bu yerda avtosanoatning 30 ta zavodi birlashadi, deylik, bir chetda startap ustida ishlaydigan yigitlar, ularning yoniga esa importchi, mahsulot yetkazib beruvchilar, sarmoyadorlarni jamlaymiz. Ayni vaqtning o‘zida Angliya, Yaponiya, Koreya, Italiya va boshqa davlatlardagi 30 dan ortiq yoshlar mazkur platformada birikib bo‘ldi. Asosiysi, ana shu amalga oshirayotgan loyihamiz yakuniy bosqichida shak-shubhasiz, xaridorlar yutadi.Shavkat Umrzoqov, “O‘zavtosanoat” raisi
Muxtasar qilib aytganda, yangi tashkil etilgan ushbu startap maydonchada yoshlarga g‘oyadan biznesgacha bo‘lgan bosqichda ishlanmalar yaratish, ishlab chiqarish tarmog‘i bazasida ro‘yobga chiqarish, yakunda tadbirkorlarga biznes uchun noyob mahsulotlar yetkazib berishda ko‘mak beriladi.
Biroq bu hali hammasi emas, platformada avtomobil egalari o‘z “toychoqlari”ning individual ko‘rinishiga erishishi uchun tyuning atelye xizmat ko‘rsatsa, yengil avtomobillar, katta yuk tashish texnikasining barcha modellar qatori, ular uchun asl zavod holatidagi hamyonbop narxlardagi ehtiyot qismlar (tez orada onlayn tarzida ham) sotuvda bo‘ladi. Eng e’tiborga molik jihati, faqat shu yerda xaridorlar avtomobil uchun muddatsiz kafolat olishlari mumkin.
Startap g‘oyalar ro‘yobi, injiniring, tyuning, avtomobillaringiz uchun asl ehtiyot qismlar – bularning barchasini bitta maydonda, yagona platformada topasiz. Bektemirga marhamat!
UzAuto Market dushanbadan jumagacha soat 09:00 dan 18:00 gacha, shanba kuni esa 10:00 dan 15:00 gacha xizmatingizda bo‘ladi.
Manzil: Toshkent shahri, Bektemir tumani, H.Boyqaro ko‘chasi, 28a.
Izoh (0)