AQSh energetika vaziri Rik Perri va Saudiya Arabistoni energetika, sanoat va mineral resurslar vaziri Holid al-Falih Vashingtonda uchrashib, Eron jahon neft bozorini beqarorlashishiga to‘sqinlik qilishga kelishib oldi. “TASS”ning yozishicha, bu haqda AQSh energetika vazirligi matbuot xizmati ma’lum qilgan.
“Vazirlar Perri va al-Falih dunyoda eng yirik neft yetkazib beruvchi bo‘lgan AQSh va Saudiya Arabistoni jahon neft bozori ta’minotida uzilishlar bo‘lmasligi uchun, ayniqsa, Eron neft bozorini beqarorlashtirishga qaratilgan tajovuzkor urinishlarini hisobga olgan holda hamkorlik davom etishini tasdiqladi”, — deyiladi xabarda.
Neft sotib olishni taqiqlashni o‘z ichiga oluvchi Eronga qarshi sanksiyalar Vashington tomonidan 2018-yilning noyabr oyida qayta tiklangan edi. AQSh 8 ta davlatlar va hududlar — Xitoy, Gretsiya, Hindiston, Italiya, Yaponiya, Janubiy Koreya, Tayvan va Turkiyaga Eron uglevodorodini import qilishni davom ettirishga yarim yil bergandi, ammo 2-maydan boshlab bu istisnolar tugatilgan.
Izoh (0)