Pentagon IShID terrorchilik tashkiloti Iroqda o‘z pozitsiyasini mustahkamlayotganini va Suriyada yana janglarni amalga oshirishga tayyorgarlik ko‘rayotganini ma’lum qildi. Bu haqda AQSh Mudofaa vazirligi bosh inspektori Glenna Faynning bayonotida so‘z bordi, deb xabar qiladi “Korrespondent.net”.
“Hududiy ‘xalifalik’ yo‘q bo‘lganiga qaramay IShID o‘z imkoniyatlarini Iroqda mustahkamlamoqda, shuningdek, ushbu chorakda bu kabi uyg‘onish jarayoni Suriyada ham kuzatilgan”, — deyiladi hujjatda.
Faynning ta’kidlashicha, AQSh kuchlarining qisqartirilishi Suriyadagi hamkor kuchlarni qo‘llab-quvvatlovining susayishiga olib kelgan.
Ta’kidlash kerakki, 2018-yilning 19-dekabrida AQSh prezidenti Donald Tramp IShID ustidan erishilgan g‘alabani ma’lum qilib, qo‘shinlar Suriyadan olib chiqib ketilishini bildirgandi.
Mazkur jarayon 100 kun ichida amalga oshirilishi kerak edi, biroq Pentagon rahbarlari Amerika yetakchisini o‘z qarorini o‘ylab ko‘rishga ko‘ndirgan.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Izoh (0)