KXDR o‘z harbiy dasturlarni moliyalashtirish uchun bank va kriptovalyutalar birjasiga kiber hujum qilib 2 milliard dollar o‘g‘irladi. Bu haqda Reutersga tayanib “TASS” xabar berdi.
Xabarda aytilishicha, kamida 35 ta shunday hujumlar o‘tkazilgan. Buning oqibatida kamida 17 ta mamlakat jabrlangan.
Reuters xabariga ko‘ra, to‘plangan pullar ommaviy qirg‘in qurollar dasturini qo‘llab-quvvatlashga sarflangan. Mutaxassislarning ta’kidlashicha, KXDR BMT sanksiyalarini buzgan holda bir kemadagi yuklarni boshqasiga noqonuniy tashishda davom etmoqda.
KXDRning BMTdagi doimiy vakolatxonasi bu xabarlarga izoh berish so‘rovnomasiga hech qanday javob bermagan.
Izoh (0)