Beshinchi xalqaro armiya o‘yinlarining “Tank biatloni” yo‘nalishi bo‘yicha ilk bor ishtirok etayotgan o‘zbekistonlik harbiylar 3—4-avgust kunlari musobaqaning birinchi shartini muvaffaqiyatli bajardi.
Mudofaa vazirligi matbuot xizmatining ta’kidlashicha, “Tank biatloni” musobaqasining ikkinchi guruhida 13 ta jamoa ishtirok etishi ko‘zda tutilgan edi. Ammo Shri-Lanka va Janubiy Afrika Respublikasi jamoalari mazkur musobaqaga yetib kelmaganligi sababli hozirda guruhda 11 ta jamoa birinchilik uchun kurash olib bormoqda.
Musobaqa jarayonida ishtirok etayotgan xalqaro toifadagi mutaxassislar ham jamoaning chiqishini alohida e’tirof etib, yuqori baholagan. Shu kungacha guruhda 7 ta jamoa birinchi shart bo‘yicha berilgan topshiriqlarni bajargan bo‘lsa, o‘zbekistonlik vakillar ular ichida birinchi o‘rinda ketmoqda.
Musobaqa davom etadi.
Izoh (0)