Бешинчи халқаро армия ўйинларининг «Танк биатлони» йўналиши бўйича илк бор иштирок этаётган ўзбекистонлик ҳарбийлар 3—4 август кунлари мусобақанинг биринчи шартини муваффақиятли бажарди.
Мудофаа вазирлиги матбуот хизматининг таъкидлашича, «Танк биатлони» мусобақасининг иккинчи гуруҳида 13 та жамоа иштирок этиши кўзда тутилган эди. Аммо Шри-Ланка ва Жанубий Африка Республикаси жамоалари мазкур мусобақага етиб келмаганлиги сабабли ҳозирда гуруҳда 11 та жамоа биринчилик учун кураш олиб бормоқда.
Мусобақа жараёнида иштирок этаётган халқаро тоифадаги мутахассислар ҳам жамоанинг чиқишини алоҳида эътироф этиб, юқори баҳолаган. Шу кунгача гуруҳда 7 та жамоа биринчи шарт бўйича берилган топшириқларни бажарган бўлса, ўзбекистонлик вакиллар улар ичида биринчи ўринда кетмоқда.
Мусобақа давом этади.
Изоҳ (0)