Shavkat Mirziyoyev 17 yillik faoliyati davomida birinchi marta mehnat ta’tiliga chiqdi.
2003-yilda Shavkat Mirziyoyev Bosh vazir etib tayinlangandi. Ushbu lavozimga yana uch marta — 2005, 2010, 2015-yillarda Oliy Majlis tomonidan qayta tasdiqlangan.
2016-yil 4-dekabr kuni bo‘lib o‘tgan saylov yakunlari bo‘yicha Shavkat Mirziyoyev O‘zbekiston Respublikasi Prezidenti etib saylangan. 14-dekabrda rasman o‘z vazifasini bajarishga kirishgan.
Demak, Bosh vazir sifatida 14 yil, Prezident lavozimida qariyb 3 yillik “tanaffus”siz faoliyat.
Prezidentning ta’tilga chiqishi O‘zbekiston tarixida birinchi marta emas, lekin avval ta’tilga chiqish rasman e’lon qilinganini eslash qiyin.
Shu o‘rinda “Jurnalizd” kanali bir jihatga e’tibor qaratgan:
“Prezident 2017-yil aprelida boshqaruv tarkibi uchun kuchaytirilgan tartibda ishlashni ko‘zda tutuvchi favqulodda holatni e’lon qilgan edi. Endi o‘zi ham taym-aut olayotganidan xulosa qilish mumkinki, ikki yillik ekstrim ortda qoldi — buyog‘iga shoshilmay, xotirjam sur’atda ishlanadi”.
Izoh (0)