Vyetnam respublikasi harbiy delegatsiyasi 26-iyul kuni Xalqaro armiya o‘yinlarida ishtirok etish uchun “Forish” poligoniga keldi. Bu haqda Mudofaa vazirligi matbuot xizmati xabar berdi.
Xalqaro armiya o‘yinlarini o‘tkazishga mo‘ljallangan O‘zbekistonning “Forish” tog‘-dala poligoni joriy yilning avgust oyida V “Xalqaro armiya o‘yinlari — 2019” doirasida “Harbiy-tibbiy estafeta” tanloviga birinchi marta mezbonlik qiladi.
Mehmonlar Mudofaa vazirligi mas’ul ofitserlari, o‘quvchi yoshlar karnay-surnay sadolari ostida o‘zbekona udumlar bilan tantanali ravishda kutib olingan.
“Harbiy-tibbiy estafeta” tanlovi 4-avgust kuni boshlanib, Armaniston, Angola, Ozarbayjon, Belarus, Rossiya, Zimbabve, Qozog‘iston, Myanma, Tojikiston va Venesuela (kuzatuvchi maqomida) kabi davlatlar g‘oliblik uchun o‘zaro kurashadi.
Izoh (0)