Вьетнам республикаси ҳарбий делегацияси 26 июль куни Халқаро армия ўйинларида иштирок этиш учун «Фориш» полигонига келди. Бу ҳақда Мудофаа вазирлиги матбуот хизмати хабар берди.
Халқаро армия ўйинларини ўтказишга мўлжалланган Ўзбекистоннинг «Фориш» тоғ-дала полигони жорий йилнинг август ойида V «Халқаро армия ўйинлари — 2019» доирасида «Ҳарбий-тиббий эстафета» танловига биринчи марта мезбонлик қилади.
Меҳмонлар Мудофаа вазирлиги масъул офицерлари, ўқувчи ёшлар карнай-сурнай садолари остида ўзбекона удумлар билан тантанали равишда кутиб олинган.
«Ҳарбий-тиббий эстафета» танлови 4 август куни бошланиб, Арманистон, Ангола, Озарбайжон, Беларусь, Россия, Зимбабве, Қозоғистон, Мянма, Тожикистон ва Венесуэла (кузатувчи мақомида) каби давлатлар ғолиблик учун ўзаро курашади.
Изоҳ (0)